पालकां पासून भुरग्यांक जावपी संक्रमणाचेर प्रतिबंध (पीपीटीसीटी)
एच.आय.वी.ची लागण जाल्ल्या आवय कडल्यान भुरग्याक जावपी संसर्गाचें प्रमाण उणें करूंक पालकां कडल्यान भुरग्याक जावपी संक्रमणाचेर प्रतिबंध (प्रिव्हेन्शन ऑफ पेरेंट टू चायल्ड ट्रन्समिशन) (पीपीटीसीटी) ही कार्यावळ गोंय वैजकी म्हाविद्यालय, बांबोळी, हॉस्पिसियो हॉस्पिटल, मडगांव जिल्लो हॉस्पिटल (अझिलो), म्हापशें, सगळी सीएचसी, पीएचसी, कांदोळे आनी उप जिल्लो हॉस्पिटल, फोंडें हांगा उपलब्ध केल्या. ह्या कार्यावळी अंतर्गत गुरवार बायलांक एच.आय.वी.चे समुपदेशन दितात आनी तांची चांचणी करतात आनी पॉझिटिव्ह मेळ्ळ्यार संक्रमीत आवय आनी तांच्या भुरग्या खातीर मल्टी ड्रग रेजिमेन (एमडीआर) लागू केला. आवयक आजीवन एआरटी घालतात. सगळ्या सीएचसींत आयसीटीसी उपलब्ध आशिल्ल्यान बाळंतपणा पयलींच आवयचेर देखरेख दवरपा खातीर कवरेज वाडयल्या, अशे तरेन सगळ्या आयसीटीसींतल्यान सकारात्मक बांळंतपण जावचें पयलीं जिल्लो /गोंय वैजकी महाविद्यालय हॉस्पिटलांतली पीपीटीसीटी सुविधा घेवपा खातीर संदर्भीत केल्ले आसा.एचआयव्ही संक्रमीत गुरवार आनी स्तनपान करपी बायलांक आनी तांच्या संपर्कात आशिल्ल्या भुरग्यांक 18 म्हयन्यां मेरेन पळोवपा खातीर आनी तशेंच बेगीन चांचणी, एआरटी लिंकेज, ईआयडी चांचणी, कुटुंब नियोजन, जोडीदाराची चांचणी हेर सारकिल्ल्या वेगवेगळ्या आँगाचेर जिल्लो, राज्य आनी राष्ट्रीय पांवड्यांचेर पीपीटीसीटी कामगीरीचेर नियंत्रण दवरपा खातीर पीएएलएस - प्रिव्हेन्शन ऑफ पेरेंट टू चायल्ड ट्रन्समिशन ऑफ एचआयव्ही (पीपीटीसीटी) मॉडुल विकसीत केलां.
पीपीटीसीटी कार्यावळीचे कांय म्हत्वाचे घटक अशे आसात:
- कार्यावळींच्या प्रतिबंधात्मक सेवे सयत दर्जेदार बाळंतपणा पयलीं जतनाय घेवन एचआयव्हीचो संसर्ग जाल्ल्या आवय कडल्यान भुरग्याचें संक्रमण(एमसीटीसी) प्रभावीपणान उणे करपाची कल्पना आसा.
- जोडप्याच्या परिस्थितींत प्रजननाचे भलायेके संबंदीत हस्तक्षेपाची तजवीज.
- रगताच्या तर्कशुद्ध वापराक पालव दिवप.
- एचआयव्ही संक्रमणा खातीर कायमचे समुपदेशन आनी चांचणी.
- पोशणा वरवीं अर्भकांक आहार दिवपाची पद्दत, एकमेव स्तनपान, जल्म अंतराची पद्दती आनी हेर आसपावीत आशिल्ल्या गुरवार आवयांक भलायकीचें शिक्षण दिवप.
- अँटीरेट्रोवायरल वखदां सयत एमटीसीटी उणो करपा खातीर हस्तक्षेप.
- एचआयव्हीची लागण जाल्ल्या आवय/भुरग्याची जतनाय आनी आदार आनी तांची असुरक्षीतताय उणीं करप.