ऍफएक्यू – पालकांतल्यान भुरग्यांक संसर्ग जावपा पासून प्रतिबंध (पीपीटीसीटी)

प्र.1. ऍचआयवी पॉझिटिव्ह आवयच्या बाबतींत स्तनपान करपा विशीं सरकाराची भुमिका कितें ? जाप: युनिसेफान शिफारस केल्ल्या प्रमाणें आनी नाकोन आदार दिल्ल्या प्रमाणें उत्तम पद्दत पाळटात. संदेश आरसीएचच्या संबंदीत कार्यावळी प्रमाणें सुसंगत आसतले. ऍचआयवी पॉझिटीव आवयांचे बाबतींत चार म्हयने मेरेन फकत स्तनपानांक प्रोत्साहन दिवपा खातीर सगळे प्रयत्न करूंक जाय आनी ताचे उपरांत दूद दिवप सोडोवप, आनी स्तनपानाच्या माध्यमांतल्यान संसर्गाक थांबोवपा खातीर स म्हयन्यांनी स्तनपान करपाचे पुराय थांबोवंक जाय. अशा आवयांक स्तनपाना वरवीं ऍचआयवीच्या संसर्गाचो धोको आनी परिणामा विशीं माहिती दितले आनी अर्भकाक आहार दिवपा संबंदीत माहिती निवड करपा खातीर मजत दितले.

प्र.2. ऍसटीडीचो परिणाम गुरवार बायलेच्या गर्भाचेर जावं येता ?
जाप:  हय, ऍसटीडीचो परिणाम गर्भांतल्या वा प्रसुतीच्या वेळार गर्भाक संसर्ग, जल्मजात दोश वा भुरग्याक मरण लेगीत येवंक शकता.

प्र.3 भुरग्याची ऍचआयवीची चांचणी करूं येता?
जाप: हय, पूण तातूंतल्यान भुरग्याक संसर्ग जाला काय ना हें दिसतलें अशें ना. कारण ही चांचणी ऍचआयवीच्या प्रतिपिंडांची आसता आनी ऍचआयवीचे बादीत आवय कडल्यान जल्मल्लीं सगळीं बाळकां ऍचआयवीच्या प्रतिपिंडाचीच जल्मतात. बाळकां जांकां संसर्ग जावंक ना, ती सुमार 18 म्हयन्यांचे पिरायेमेरेन तांचीं प्रतिपिंड उणीं जातात. पूण चडशा भुरग्यांक तीन म्हयने जातकच वेगळी चांचणी वापरून संसर्ग जाल्ल्या वा संसर्ग नाशिल्ल्याचें निदान करूं येता, तिका पीसीआर चांचणी म्हण्टात. पीसीआर चांचणी ऍचआयवीच्या चांचणेपरस चड संवेदनशील आसता, आनी प्रौढांच्या प्रमाणीत ऍचआयवी प्रतिपिंड न्हय तर ऍचआयवीचीच उपस्थिती सोदता.

प्र.4 ताचे संभाव्य फायदे खंयचे ?
जाप: गुरवार बायलेचे चांचणेचो निकाल पॉझिटिव्ह आयल्यार आतां वखदां आसात, जाका लागून तिच्या पोटांत वा जल्माक येतना तिच्या भुरग्याक ऍचआयवी जावपाचो धोको उणो करता. वैकल्पीक सिजेरियन पद्दतीन प्रसुती केल्यार भुरग्याक संसर्ग जावपाचोय धोको उणो जाता. भुरग्यांक स्तनपान करप हें चड बरे. पूण आवयक ऍचआयवी आसल्यार, स्तनपान करून बाळकाक संसर्ग जावपाचो धोको वाडटा. गुरवार बायलेचो चांचणेचो निकाल नॅगेटिव्ह आयल्यार हें खूब आश्वासक आसूं येता.

प्र.5. ताचेर संभाव्य गैरसोय कितें ?
 जाप: कांय गुरवार बायलांक दिसता की आपूण ऍचआयवी पॉझिटीव आशिल्ल्याचे सोदून काडूंक शकनात आनी तांणी आपल्या बाळकाक धोक्यान घाल्ली आसूं येता. ऍचआयवीची लागण जाल्ली बायल अजूनय गुरवार जावन भुरगें जावंक शकता. गुरवार आशिल्ल्यान तिची एड्स जावपाची शक्यताय वाडची ना. पूण कांय दोतोरांक दिसता की गुरवारपणाक लागून पयलींच एड्स जाल्ली बायल चड गंभीर दुयेंत पडटली. बायलेच्या जोडीदाराक ऍचआयवीची लागण लागूंक ना तरीयपूण कंडोम नासतना संभोग केल्यार ताका संसर्ग जावपाचो धोको आसता. ऍचआयवी पॉझिटिव्ह बायल जरीय ती ऍचआयवी संक्रमीत बाळकाक जल्म दिता जाल्यार ती ताका कशे तोंड दितली हाचोय विचार करचो पडटलो. कांय दोतोरांक दिसता की हालींच संसर्ग जाल्ल्या बायलेक, वा एड्स आशिल्ले बायलेक संसर्ग जाल्ले भुरगें जावपाची चड शक्यताय आसता.

प्र6. आवय आपल्या गर्भांतल्या भुरग्याक कशे तरेन ऍचआयवीचो संसर्ग दिता?
जाप: ऍचआयवीची लागण जाल्ली आवय आपल्या रगतांतल्यान आपल्या पोटांतल्या भुरग्याक संसर्ग दिवंक शकता. आवयक हालींच संसर्ग जाला वा ती एड्साच्या फुडल्या टप्प्यांत आसा जाल्यार भुरग्याक चड धोको आसता. जल्माच्या वेळार भुरग्याक आवयच्या रगताच्या संपर्कांत येतकचय संसर्ग जावंक शकता आनी कांय प्रमाणांत स्तनाच्या दुदांतल्यान संसर्ग जावंक शकता.

प्र7. सगळ्या गुरवार बायलांची चांचणी जाता काय?
जाप: गुरवार बायलांची आपोआप ऍचआयवीची चांचणी जायना. कांय प्रसुती पयलींच्या क्लिनीकांनी ही चांचणी दितात आनी कांय क्लिनीकांनी बायलांक ती मागची पडटा. सगळीं गुरवार बायलां ऍचआयवीची चाचणी करून घेवंक शकतात. बायलेची संमती मेळ्ळे बगर केन्नाच चांचणी जावची ना. बायलेक तिच्या प्रसुती पयलींच्या दवाखान्यांत कितें वेवस्था आसा हाची खात्री ना जाल्यार, तिणें आपल्या दोतोराक वा वैजीणीक ऍचआयवी चांचणी विशीं विचारूं शकता.

प्र8. चांचणी जाता तेन्ना कितें जाता?
जाप: ऍचआयवीची चांचणी घेवचे पयलीं बायलेक कोणा कडेन तरी चांचणे विशीं उलोवपाची संद दिवची आनी परिणामाचो अर्थ कितें जातलो. मागीर बायलेक आपली चांचणी करपाची आसा काय ना हें थारावंक मेळटा. बायलेन चांचणी केली जाल्यार  रिजल्ट केन्ना मेळूंक शकता तें क्लिनिक सांगतले. हें कांय दीस वा सप्तक आसूं येता. ऍचआयवीचे चांचणेंत चड करून मनशाच्या हाताचे थोडें रगत घेवप आसता. चांचणी करतना तुमी गुरवार आसल्यार तुमकां घडये चड रगत दिवपाची गरज नासता, कारण हेर रगत तपासणे वेळार ही चांचणी करप शक्य आसूंक जाता. ही चांचणी खंयच्याय वेळार करूं येता. पूण संसर्ग जाले उपरांत सुमार तीन म्हयने मनशाच्या रगतांत चांचणेंत दिसपाक जाय तितले प्रतिपिंड आसपाक लागतात. ह्या कारणाक लागून चडशा लोकांक चांचणी करचे पयलीं संसर्ग जावपाचो निमाणो धोको जाले उपरांत उण्यांत उणें तीन म्हयने वाट पळोवपाचो सल्लो दितात. जेन्ना बायलेक तिच्या ऍचआयवीच्या चांचणेचो निकाल दितात तेन्ना तिका कोणा कडेन तरी हे विशीं उलोवपाची संद दिवची. रिजल्टांत बायलेक संसर्ग जाला वा ना  हें म्हत्वाचें आसता.

प्र.9. एके बायलेचो चांचणीचो रिजल्ट पॉझिटीव आयलो जाल्यार कितें जाता?
जापः जेन्ना एके बायलेचो रिजल्ट पॉझिटीव येता, तेन्ना तिका दोतोरा वा वैजीणी वांगडा फुडें कितें जातलें हाची तजवीज करूंक जाय आनी फाटपुरवण (फॉलोअप) तपासणी करपाची वेवस्था करपाक मेळपाक जाय. तिच्या भुरग्याक संसर्ग जावपाचो धोको उणो करपा खातीर तिका खाशेली वैजकी सेवा दितले. ऍचआयवी आशिल्ली कांय गुरवार बायलां आपलें भुरगें जल्मांक घालपाचे थारायतात. हेर लोक सोंपोवपाचो निर्णय घेतात. गुरवारपण सोंपपाचो निर्णय खूब वैयक्तीक आनी कठीण आसता. जांणी गुरवारपण सोंपयलां तांका आपले भुरगें गेल्ल्याचें दुख्ख करपाक वेळ जाय. जीं कोण ऍचआयवी पॉझिटीव आसात तांकाय बी गुरवारपणा विशींच्या निर्णयाचो फुडाराक कसो प्रभाव पडटलो हाचेरूय विचार करपाची गरज आसा.