रेड रिबन क्लब (आरसीसी), हो शिक्षणीक संस्थांनी विद्यार्थ्या खातीर एक स्वयंसेवी ऑनकॅम्पस आंतरनिरस कार्यावळ आसा. गोंय राज्य एड्स नियंत्रण सोसायटीन हाची सुरवात केल्या आनी फाटबळ दिल्ले आसून भोव क्षेत्रीय सहकार्यातल्यान खास करून राष्ट्रीय सेवा येवजणेच्या (एनएसएस) कॅडर अधिकार्‍यांच्या सेवेचो वापर करून ताची अंमलबजावणी केल्या.

खेळां आनी युवा वेव्हार मंत्रालयाच्या अंतर्गत नेहरू युवा केंद्र संघटनेन (एनव्हायकेएस) हांकां जागृताय निर्माण करपा खातीर शाळे भायर आशिल्ल्या युवा खातीर रेड रिबन क्लब स्थापन करूंक करार केल्लो आसा. 2007 वर्सा सावन एनवायकेएसान दोनूय जिल्ह्यांनी शाळे भायर आशिल्ल्या तरणाट्यां खातीर 75 आरआरसी स्थापन केल्यात.

आरआरसीची उदिश्टां

लैंगीक संबंद, लैंगीकता आनी एच.आय.वी / एड्स हांचे विशीं जागृताय करून युवा मदीं तांची जोखीम धारणा वाडोवन नव्या एच.आय.वी.चो संसर्ग उणो करप.

एच.आय.वी/एड्स (पीएलडब्ल्यूएचए) आशिल्ल्या लोकांक मजत करपाची आनी आदार दिवपाची भावना युवा मदीं प्रेरीत करप जाका लागून पीएलएचए आड आशिल्लो कलंक आनी भेदभाव उणो करप.

युवांक प्रेरणा दिवप आनी फुडारपण, वाटाघाटी, आनी पंगड तयार करपाचेर तांची कुशळटाय विकसीत करून समवयस्क शिक्षणतज्ञ आनी बदल एजंट म्हूण तांची तांक वाडोवप.

तरणाट्यां मदीं स्वयंसेवी बिगर – मोबदलो रगत दान करपाक फाटबळ दिवप.

2007 वर्सा सावन, गोंयांतल्या वेगवेगळ्या शिक्षणीक संस्थांनी 171 रेड रिबन क्लब (आरआरसी) स्थापन जाल्यात.