प्र.1 राष्ट्रीय रगत धोरण (पॉलिसी) आसा? काय ना?
जाप: हय, स्वयंसेवी बिगर मानधन नेमान रगतदात्यां कडल्यान एकठांय केल्ल्या सुरक्षीत आनी दर्जेदार रगताची सहजतायेन मेळपी आनी फावो ती पुरवण सुनिश्चीत करपाच्या मिशनान राष्ट्रीय रगत धोरण तयार केलां आनी आतां चालीक लायतात.

प्र.2 ज्या संसर्गां खातीर रगताची चांचणी करतात ते संसर्ग खंयचें?
जाप: वखदां आनी प्रसाधनां कायद्यांत पांच मुखेल संसर्गां खातीर रगताची चांचणी सक्तीची करपाची तरतूद केल्या ती अशी- ऍचआयवी, यकृतशोथ बी, यकृतशोथ सी, उपदंश आनी मलेरिया. रगताच्या दर एका युनिटाची ह्या सगळ्या संसर्गा खातीर चांचणी करतात.

प्र.3 रगत बँकांनी ह्या उतराचो अर्थ?
कितें ? जाप : रगत अशें म्हणून खंयचेच रगत बँकेक कसलोच शुल्क घेवंक मेळना. पूण दात्याकडल्यान फुकट एकठांय केल्लें रगत,  संसर्ग मुक्त करपाखातीर प्रक्रिया करपाची गरज आसता, ताका लागून तातूंत कांय उण्यांत उणे गुणवत्तेचे मानक आसात हाची खात्री करची पडटा. तशेंच रक्तसंक्रमण करचे पयलीं ताका सांठोवन दवरपाची गरज आसता आनी ताची चांचणी करची पडटा. ह्या सगळ्यां भायर मुळावी बांदावळ सांबाळप, पगार आदी रगत बँके खातीर स्थापन करपाचो खर्च, दुयेंतीक सुरक्षीत रगत युनीट  दिवपाच्या एकंदर खर्चांत वाडटा. रगत बँको गिरायका कडल्यान सेवा शुल्क म्हणून हे खर्च वसूल करपाचो यत्न करतात.

4 राष्ट्राची रगत सुरक्षेची पुरवण करपाचेर लक्ष केंद्रीत करून 1996 वर्सा सर्वोच्च न्यायालयाच्या निर्णया उपरांत ऍनबीटीसीची थापणूक जाली. वेवसायीक दान दिवप्यांक  टप्प्याटप्प्यान भायर काडप आनी स्वयंसेवी देणग्यांचेर लक्ष केंद्रीत करप हो मुखेल हेत आशिल्लो. हें धोरण कितले मेरेन येसस्वी जालां आनी देशांत कितलें स्वेच्छा रगत एकठांय केलां?
जाप: केंद्रांत राष्ट्रीय रगत संक्रमण मंडळ (ऍनबीटीसी) स्थापन जाले उपरांत, रोखडेंच दरेका राज्यांत/केंद्र शासीत प्रदेशांत राज्य रगत संक्रमण मंडळांत (एसबीटीसी) फारीक केल्ल्या दात्यां कडल्यान रगत एकठांय करपाचेर पुराय बंदी घाल्या, जी 1 जानेवारी, 1998 तारखे सावन लागू जाता. वेपारी आनी खाजगी रगत बँकांनी रगत वापरप्यांच्या शोशणाचेर खर नियंत्रण दवरपा खातीर ऍनबीटीसीन जायतीं पावलां उबारलीं. स्वेच्छा रक्तदानांतल्यान रगत एकठांय करपाक  ऍसबीटीसींक ऍनबीटीसीन निधी पुरवण केल्लो. स्वयंसेवी दात्यांक म्हायती, शिक्षण, प्रेरणा, भरती आनी तिगोवन दवरपा वरवीं दात्यांक प्रेरणा दिवपा खातीर विस्तारान जागृताय कार्यावळी सुरू केल्यो. दरेका राज्याक स्वयंसेवी स्त्रोतां वरवीं रगत एकठांय करपाचें वर्सुकी लक्ष्य दिला आनी नाको (NACO) हाचो नेमान नियाळ घेता.

प्र.5 रगत बँकांनी वितरीत केल्लें रगत सुरक्षीत आसता ?
जाप: हय. नाकोच्या राष्ट्रीय रगत सुरक्षीतताय कार्यावळी प्रमाणें, रगताच्या दर एका युनिटाची गटीकरण, क्रॉस मॅचिंग आनी ऍचआयवी, उपदंश, हेपेटायटीस बी अँड सी आनी मलेरियाची योग्य रितीन चांचणी करप रगताच्या बँकांचेर सक्ती आसा. रॅड क्रॉसा सारक्या सगल्या सरकारी आनी धर्मार्थ रगत बँकांक नाकोन ह्यो चांचण्यो करपा खातीर सुविधा दिल्या.

प्र.6 रगतदान केल्यार ऍचआयवीची लागण जावंक शकता?
जाप: ना, रगत एकठांय करपाखातीर वापरिल्ल्यो सगळ्यो वस्तू निर्जंतुक आनी डिस्पोजेबल आशिल्ल्यान हें शक्य ना. रगतदान करप हे एक श्रेश्ठ कार्य. भलायकेन बरे आशिल्ल्या लोकांनी स्वेच्छेनूच रगतदान करपा खातीर मुखार येवचें.

प्र.7 एकाद्र्यान रगत कित्याक दिवचें ? रक्तदान  कोण करूंक शकता?
जाप: रक्तसंक्रमणा खातीर वर्सभर रगताची सतत गरज आसता. पूण खरे स्वयंसेवी दाता उणेच आसात. खंयच्याय वेळार कोणाक रगताची गरज पडटली हाचो अदमास कोणाकूच मेळना. समाजांत बर्‍या रक्तदान करपी दातांचो आदार अस्तित्वांत आसप म्हणल्यार एका मनशाच्या रगताच्या गरजेच्या संदर्भांत सगळ्यां खातीर विमो. समुदायांत बर्‍या दान दिवप्यांचो आदार आसूं येता, दरेक सक्षम आनी पात्र व्यक्ती रगतदान करपाक तयार आसा आनी तेच खरे स्वयंसेवी रक्तदाते आसात जे सुरक्षीत रगत संक्रमणाची खात्री करूंक शकतात. (18-60 वर्सां पिरायेच्या गटांतल्या खंयच्याय भलायकेन बरो आशिल्ल्या मनशाक, 45 किग्रॅ वा ताचेपरस चड वजन आशिल्ल्या आनी दर 100 सीसी वा ताचेपरस चड प्रमाणांत उण्यांत उणें 12.5 ग्रॅम हिमोग्लोबीन आशिल्लो मनीस रगतदान करूंक शकता.

प्र.8 रगत बँकांची कसलीच तपासणी जाता काय?
जाप: हय. संबंदीत राज्यांच्या अन्न आनी वखदां प्रशासनाच्या वखदां निरिक्षकांनी परवानो दिल्यारच रगत बँको काम करपाक शकतात. वखदां आनी प्रसाधनां अधिनेमांत कायदेशीर चौकटी दिल्या, जाचे खाला रगत बँकांची तपासणी करतात आनी योग्य परवानो जारी करतात, जें दर पर्यायी वर्सा नुतनीकरण करतात. दरेक रगत बँकेन कोणाकूय तपासपा खातीर आपलो परवानो मुखार दाखोवचो पडटा.