प्र.1 प्रामाणीक (बोनफायड) ऍनजीओंक काम दिवपाची खात्री नाको (NACO ) कशी करता?
जापः नाको कडेन ऍनजीओच्या प्रस्तावांक आपोवपाची एक सामकी पारदर्शक प्रक्रिया आसा. प्रस्ताव दिसाळ्यांतल्या जायरातीं वरवीं मागयतात, जीं तंत्रीक सल्लागार समिती दाखयतात, जातूंत ऍनजीओ समुदायांतले वांगडी आसतात. काळ्या वळेरेंत (ब्लॅक लिस्टांत आशिल्ल्या ऍनजीओंक भायर दवरतात आनी फकत ट्रॅक रेकॉर्ड सिध्द केल्ल्यांचोच विचार करतात. सादर केल्ल्या कागदपत्रांचें सत्यापन सोडल्यार दरेक ऍनजीओचें कामाच्या स्वरुपा खातीर आनी लक्ष्य समाजांत हाजीरी खातीर भौतिक सत्यापन करतात. निमाणी निवड ऍसएसीऍसची कार्यकारी समिती करता, जाचे मुखेलपण सचीव (भलायकी) आसता.

प्र.2 ताचेर संभाव्य फायदे खंयचे?
जापः नाकोची (NACO) बरी मांडावळ केल्ली देखरेख आनी मूल्यमापन पद्दत आसा जी ऍनजीओच्या कार्यावळीच्या सगळ्या पांवड्यार काम करता. उण्यांत उणे गुणवत्तेचे मानक थारायतात आनी पालन सुनिश्चीत करपा खातीर गरजेची क्षमता निर्माण करतात. ऍनजीओ भितरल्या मुल्यांकनाची अंतर्गत प्रक्रिया सोडल्यार तांचे कडल्यान अहवाल जाय आशिल्ल्या स्वरूपांत वेळार मेळटात. ऍसएसीऍस अधिकार्‍यां वरवीं वेळोवेळ क्षेत्र भेटी, हेर ऍनजीओचेय ऍनजीओ कामगार आशिल्ल्या पंगडांनी एनजीओच्या स्वताच्या अहवालाची खरी खात्री सुनिश्चीत करतात. फुडले हप्ते मेळटले हाची खात्री करपा खातीर ऍनजीओंक आदीं मेळिल्ल्या पयशांचें लेखापरीक्षित विवरण दिवचें पडटलें. दर तिसर्‍या वर्सा ऍनजीओच्या कामगिरीचें भायल्या एजन्सी कडल्यान मूल्यमापन करतात.

प्र.3 ऍनजीओचें काम चड करून लक्ष्य हस्तक्षेपां मेरेन कित्याक मर्यादीत आसा? ताका लागून उच्च धोक्याच्या गटांची  वळख आनीक कलंकीत जातात काय?
जापः ऍचआयवीचो संसर्ग तपासूंक ऍनएसीपीची खूप गरजेची रणनीती म्हणल्यार लक्ष्य केल्लो हस्तक्षेप.  उच्च धोक्याची वागणूक करपाक वळखतात त्या कांय गटांतल्या लोकांनी हेरां परस हो व्हायरस घेवपाची चड शक्यताय आसा हें एक खरें. सीऍसडब्ल्यू, आयडीयू, ट्रक चालक, स्थलांतरीत आदी गटूय समाजांत सगळ्यांत चड उपेक्षीत जावन पडल्यात. ह्या गटांक अर्दकुट्या हस्तक्षेपाची गरज ना जंय फकत तांकां वागणूक बदलपा विशीं सांगता. बीसीसी म्हत्वाचो आसा पूण ताचे वांगडा ऍसटीडी उपचार, कंडोम पुरवण करप, सक्षम करपी वातावरण तयार करप आदी सेवा आसपाक जाय. हे सगळे NACO TIs च्या गरजेचे घटक आसात. एकदां ह्या पंगडां कडेन योग्य भावनांनी संपर्क सादलो म्हणटकच ते आपल्या भावनांतल्यान भायर सरून मुखेल प्रवाहांत येवपाची चड शक्यताय आसता आनी ताका लागून तांचो कलंक उणो जाता अशें दिसता.

प्र.4 जायत्या ऍनजीओंक तांच्या वावराक लागून त्रास दितात. नाको ताचेर कितें करता?
जापः ऍनजीओक सादारणपणान पुलीस कर्मचार्‍या वरवीं त्रास जातात. कायदो आनी सुवेवस्था यंत्रणेक संवेदनशील करपाचे फावो ते यत्न जायनात अशा राज्यांनी हें चड करून खरें. नाकोन कांय अधिकार्‍यानी केल्ल्या अशा सगळ्या अतिरेकाचो निशेध केला तरी तो सुपरकॉप जावपाचे स्थितींत ना. नाकोन आपल्या वटेन सगळ्या पांवड्यावेल्या पुलीस कर्मचार्‍या वांगडा टिकावू समर्थन उपक्रमाची विस्तारान येवजण आंखल्या. आयच्या गरजांच्या संदर्भांत आयपीसीच्या संबंदीत तरतुदींत बदल करूं येतात काय ना तें पळोवपाचेय यत्न चालू आसात.

प्र.5 कार्यरत ऍनजीओचे संख्येंत प्रादेशीक विसंगती विशीं नाको कितें करता?
जापः वेगवेगळ्या राज्यांनी वेगवेगळ्या पांवड्यार ऍनजीओ चळवळ चलता. कांय राज्यांनी ऍनजीओचो एक प्रतिबद्ध गट आसता जाल्यार हेर राज्यांनी उलोवपाक विस्वासांत घेवपा सारकीं ऍनजीओ उणीं आसात. बिहार, उत्तर प्रदेश, झारखंड आदी राज्यांनी थोडे ऍनजीओ आसात आनी ह्यो संघटना मोट्या प्रमाणांत विस्वासांत घेवपा सारक्यो दिसनात. हें काम आव्हानात्मक आनी गुंतागुंतीचें आसा. ही प्रक्रिया चालू आसा. ऍनजीओची क्षमताय निर्माण करप ही एक कार्यावळ जी खरपणान करपाची आसा. तशेंच राज्य सरकारांनी सरकार आनी नागरी समाज हांचे मदीं विस्वास निर्माण करपी आनी दीर्घकाळाची भागीदारी सुनिश्चीत करपी वातावरण तयार करपाची अपेक्षा आसा.