माहिती, शिक्षण, संप्रेशण(आईसी) आनी समाजीक संघटणा
म्हायती, शिक्षण आनी संवाद (IEC) ही एक प्रक्रिया आसा जी लोकांक भलायकेक बरी पद्दत आनी जिणेची कुशळटाय आपणावंक आनी तिगोवन दवरपाक म्हायती दिता, प्रेरीत करता आनी मजत करता. व्यक्तींक सशक्त करप आनी सुरक्षीत वागणूक पद्दती विशीं योग्य निर्णय घेवंक तांकां सक्षम करूंक हो ताचो हेत आसा. तशेंच आयईसी वरवीं फावो तें वातावरण तयार करपाचो यत्न करता आनी पयलींच संसर्ग जाल्ल्या लोकांक उपचार आनी सेवा मेळोवंक आदार दिता. लस वा वखद नासतना एच.आय.वी/एड्साच्या नियंत्रणा खातीर आळाबंदा हाडप ही सगळ्यांत प्रभावी कार्यनीत आसा आनी देखून एच.आय.वी/एड्स आनी एसटीडी आड झुजपाक संवाद ही एक म्हत्वाची कार्यनीत आसा. राष्ट्रीय एड्स नियंत्रण कार्यावळीच्या (एनएसीपी) दुसर्या टप्प्यांत फुडलो संसर्ग जावचो न्हय म्हूण वागणुकेंत बदल हाडपा खातीर प्रभावी आनी टिकावू कार्यनितीक सगळ्यांत चड प्राधान्य दितात. व्यक्तींक सुरक्षीत पद्दतीं विशीं वाटाघाटी करपाक मजत करपा खातीर विशिश्ट हस्तक्षेपांक लक्ष्यीत करूंक सामान्य लोकांक भौशीक माध्यमांच्या मोहिमेक लागून पुराय कार्यावळी आनी पद्दती आपणायतात.
तशेंच एसटीडी सेवा, कंडोम प्रमोशन, रगत सुरक्षीतताय, टीआयस आनी हेर कार्यावळीच्या वेगवेगळ्या घटकांत आयईसी वरवीं कार्यावळी एकठांय केल्यात.
- एड्स संसर्ग आनी एसटीडी, संक्रमणाचो मार्ग आनी आळाबंदा हाडपाच्यो पद्दती हांचे विशीं सामान्य लोकसंख्ये मदीं जागृताय करप, गिन्यान आनी समजूत वाडोवप.
- भौसहभागी लैंगिक संबंध टाळप, कॉन्डोम वापरप आनी सुयो /सिरींजाचे निर्जंतूकीकरण करप आनी स्वच्छेनूच रगत दान करप अश्या इत्सा केल्ल्या पद्धतींक फाटबळ दिवप.
- एचआयव्ही /एड्साचेर संदेश आनी कार्यावळी तांच्या सध्याच्या उपक्रमांत एकीकृत करपा खातीर समाजातल्या सगळ्या क्षेत्रांक एखठांय करप.
- तंत्रीक आनी वेवस्थापन क्षमता घटमूट करपा खातीर भलायकी कर्मचार्यांक एड्साक लागून संवाद सादूंक आनी सामकार येवंक कार्यनिती प्रमाणें प्रशिक्षण दिवप.
- एच.आय.वी/एड्स आशिल्ल्या व्यक्तींची जतनाय आनी पुनर्वसन करपाक आदार दिवपी वातावरण तयार करप.
जागृताय, वर्तनांत बदल आनी समाजीक संघटना हांचे खातीर आयईसी कार्यनितीचे वेगवेगळे घटक अशे आसात:
- प्रसार माध्यमाचो वापर करप.
- वेगवेगळ्या पांवड्यार समर्थन करप.
- आंतर क्षेत्रीय सहकार्य·
- प्रशिक्षण·
- एनजीओ चो सहभाग·
रेड रिबन क्लब्सगोंय राज्य एड्स नियंत्रण सोसायटीन, जागृताय पातळपा खातीर आनी वागणुकेंत बदल हाडपा खातीर हातांत घेतिल्ले कांय उपक्रम अशें आसात:
A: सामान्य
- युवा संघटना, स्वयंसेवी संस्था, सरकारी खातीं, बायलां, उच्च धोक्याचो गट, शाळा, महाविद्यालयां, उद्देगीक वसाहत कामगार हेरां खातीर एच.आय.वी/एड्स विशीं सामान्य शिक्षणीक कार्यावळी करतात.
- 2007 वर्सा सावन गोंयांतल्या वेगवेगळ्या शिक्षणीक संस्थांनी 143 रेड रिबन क्लब (आरआरसी) स्थापन जाल्यात.
- एच.आय.वी/एड्स विशीं जागृताय करपा खातीर एफएम रेडिओचेर तशेंच दूरदर्शनाचेर लायव्ह फोन-इन कार्यावळी सुरू आसात.
- एच.आय.वी/एड्स नियंत्रीत करपा खातीर वेगवेगळ्या सेवां विशीं म्हायती दिवपी बस पॅनल केटीसीएल बशींचेर प्रदर्शीत केल्यात.
- बस शेल्टर जंय गोंयांत एसएसीएस (सॅक) सेवा प्रदर्शीत केल्यात.
- बस शेल्टराचेर रगत सुरक्षीतताय, एच.आय.वी/एड्स, एसटीआय/आरटीआय, कलंक, गोंय सेवा आनी हेर चित्रां सयत संदेश प्रदर्शीत केल्यात
- गोंय एसएसीएसान (सॅक) आयोजीत केल्ली उपक्रमांची माहिती प्रर्दशीत करपी म्हयन्याळी ई-बुलेटीन नेमान उजवाडाक हाडटात आनी तीच अधिकृत संकेतथळार अपलोड करतात.
- एचआयव्ही/एड्स नियंत्रीत करपा खातीर वेगवेगळ्या सेवा विशीं माहिती दिवपी सायनबोर्ड मुख्य सुवातीर प्रदर्शीत केल्यात.
- युवा आनी सामान्य लोकां मदी एचआयव्ही /एड्सा विशी जागृताय करूंक, मोबायल प्रदर्शन व्हॅन एचआयव्ही /एड्सा विशींच्या शिक्षणीक साहित्या सयत सगळ्या महाविद्यालयाच्या परिसरांत भोवंडी करता.
- ऑक्टोबर ते डिसेंबर ह्या काळांत शाळा, उच्च माध्यमीक शाळा आनी महाविद्यालयीन पांवड्यार वत्कृत्व, प्रस्नमाची आनी पोस्टर सर्ती आयोजीत करतात.
- मिड मिडिया मोहीम भाड्यान घेतिल्ल्या एजन्सी वरवीं चलयतात, जंय मोबायल व्हॅना वरवीं आयईसी वांगडा पथनाट्य करतात. वर्सुकी सुमार 200 पथनाट्य जावपाचो प्रस्ताव आसा.
- एच.आय.वी/एड्सा विशीं जागृताय निर्माण करपा खातीर सोयीच्या सुवातींनी होर्डिंग्स उबारल्यात.
- एससीईआरटी वरवीं किशोरवयीन शिक्षण कार्यावळ सुरू केल्या, जंय लैंगीक भलायकी शिक्षण आनी जिवीत कौशल्य शिक्षण दितात.
- पुराय गोंयांतल्या केबल नेटवर्क चॅनलांचेर एच.आय.वी/एड्सा विशीं व्हिडियो स्पॉट /जागृताय प्रोमोस दाखयतात.
- एआयआर आनी एफएम रेडिओचेर ऑडियो स्पॉट आयकूंक दितात.
- ओपीडी वेळार एच.आय.वी/एड्साचेर आशिल्ल्या स्पॉटांची तपासणी करपा खातीर जीएमसीच्या इन-पेशंट आनी आउट-पेशंट विभागांनी दूरचित्रवाणी स्थापन केल्यात.
- वेगवेगळ्या भाशांनी तयार केल्लीं एसटीडी आनी एच.आय.वी/एड्स हांचेर हॅंडबिल्स आनी पॅम्फ्लेट्स.
- सगळ्या हॉस्पिटलांक, भलायकी केंद्रांक, एनजीओक आनी हेरांक एसटीडी/एच.आय.व्ही./एड्स/रगत सुरक्षीतताय /पोस्ट एक्सपोझर प्रोफिलॅक्सिस आनी हेराचेर पोस्टर तयार करून वांटतात.
- राज्य पांवड्यार आनी सगळ्या प्राथमीक भलायकी केंद्रांनी तशेंच एनजीओ कडल्यानय दर वर्सा 1 डिसेंबराक संवसारीक एड्स दीस म्हूण मनयतात.
- दर वर्सा 1 ऑक्टोबराक स्वयंसेवी रक्तदान दीस म्हूण पाळटात. नेमान स्वयंसेवी रक्तदान शिबिरांचे आयोजन करपी स्वयंसेवी रक्तदात्यांक आनी घडोवन हाडपी स्वयसेवी संस्थांचो सत्कार करतात.
- दर वर्सा 14 जून दिसा संवसारीक रक्तदात्यांचो दीस आनी 26 जून दिसा ड्रग्स दुरुपयोग आनी बेकायदेशीर वेव्हारा आड आंतरराष्ट्रीय दीस म्हूण पाळटात.
- दर वर्सा 12 ऑगस्ट दिसा आंतरराष्ट्रीय युवा दीस आनी दर वर्सा 12 जानेवारीक राष्ट्रीय युवा दीस म्हूण मनयतात.उद्देगीक कामगार, पुलीस कर्मचारी आनी टपाल कर्मचार्या खातीर एच.आय.वी/ एड्स/ एसटीडीचेर म्हायती दिवपी सत्रां/ उक्तो मंच घडोवन हाडटात. सेक्स, लैंगीकताय आनी हेर संबंदीत विशयांचेर जावपी सगळ्या प्रस्नांच्यो, दुबावांच्यो जापो, कामाच्या सुवातेर दोतोरांच्या पंगडा वरवीं दितात.
ब: शिक्षणीक संस्थांनी जागृताय.
- भलायकी अधिकारी/वैजकी अधिकारी आपल्या अधिकार क्षेत्रांतल्या शाळांनी आनी महाविद्यालयांनी एच.आय.वी/एड्स विशीं भासाभास करतात.
- गोंयांतल्या वेगवेगळ्या शाळांनी पीटीए बसकांनी एच.आय.वी/एड्स विशीं कार्यावळी घडोवन हाडल्यात.
- वेगवेगळ्या शिक्षणीक संस्थांनी प्रस्न-जाप सत्रां आयोजीत केल्यात, जंय जीएसएसीएस आनी जीएमसीच्या संसाधनी व्यक्तींचे पॅनल विद्यार्थ्यांनी अनामीक पणान विचारिल्ल्या प्रस्नांची जाप दिल्यात.
- एच.आय.वी /एड्स महामारी कडेन विस्तारील्लो प्रतिसाद उत्प्रेरक करपा खातीर गोंय एसएसीएस (सॅक)चें नेटवर्किंग आनी वकालती वरवीं, सगळी सरकारी खातीं, एनजीओस, उद्देग, राजकी फुडारी आनी हेरां कडेन आंतरक्षेत्रीय सहकार्य करता.